Kanë kaluar dy vite nga vrasja e Flamur Beqirit i konsideruar si “mbreti” i kokainës, ndërsa sot Anis Hemissi, një kikboksier i akuzuar për krimin ka mohuar të jetë një vrasës me pagesë. Në seancën gjyqësore ai deklaroi se fluturoi nga Kopenhagen në Londër për të takuar një grua 22-vjeçare dhe ka shkuar për të parë “Netflix” me të.
Prokurorët pretendojnë se Hemissi ishte pjesë e një ekipi prej katër vrasësish të dërguar nga Suedia për të vrarë Beqirin, si pjesë e një rivaliteti të dhunshëm midis dy rrjeteve të krimit të organizuar në vendin skandinav. Duke dhënë dëshminë, Hemissi tha se ai fluturoi për në Londër nga Kopenhagen për të takuar Nadine me të cilën ishte njohur në Facebook.
Ai iu tha gjykatësve se vajza ishte një nga “më shumë se 20 vajzat” me të cilat po fliste në mediat sociale nga aplikacionet e takimeve. Madje shtoi se udhëtoi për në Londër për ta takuar pasi ajo i tha se babai i saj nuk do ta linte të udhëtonte jashtë vendit.
“Do takoheshim për “Netflix&chill”, do të pushonim, ndoshta do të dilnim dhe të hanim diçka, ndoshta të dilnim dhe të blinim disa rroba,“-tha ai.
Hemissi u tha gjykatësve se Nadine e kishte ftuar që ai të qëndronte në banesën e shoqes së saj, e cila dyshohet se përdorej nga burrat pasi ishte marrë me qira përmes Airbnb. David Harounoff, duke u mbrojtur, e pyeti Hemissi: A është e vërtetë ajo që po thoni?
Ndërkohë që anëtarëve të jurisë iu shfaqën pamjet e CCTV-së të të shtënave, ku Beqiri ishte gati të hynte në shtëpinë e tij, por u qëllua disa herë me armë zjarri, e po ashtu nga brenda banesës dëgjohen ulërimat e bashkëshortes së tij.
Marrë nga BBC
Discussion about this post