Anëtar i Komisionit të Rithemelimit në PD, Aldo Bumçi ka folur lidhur me situatën aktuale në Partinë Demokratike, ku ka theksuar se e vetmja formë për tejkalimin e kësaj krize është votëbesimi. Ai ka treguar se planet e të ardhmes për ‘frontin’ Berisha është zgjedhja e kryesisë, si dhe nisja e një procesi riorganizimi.
“Në Kuvendin e 11 dhjetorit u vendos me 4.446 firma u mblodhën bashkë dhe vendosën që të gjitha organet e PD të pezullojë dhe të fillojë një proces zgjedhjesh nga poshtë lart. Do të fillojë seksioni i kësaj lagje ku jemi ne deri tek kryetari I PD, do të zgjidhet edhe kryesia, ndërsa Basha nuk është më kryetar. Ne për pak ditë do të fillojmë këtë proces riorganizimi”, tha ai.
Bumçi u shpreh se protestuesit kishin si synim hapjen e dyerve dhe sipas tij kjo mund të bëhej me goditje, ndërsa thekson se nuk ka pasur dhunë nga ana e tyre.
“Për fat nuk ka asnjë person brenda godinës të dëmtuar. Nuk ka asnjë anëtar të forcave të rendit të dëmtuar dhe ne nuk donim të kishte dëmtime, ndërsa nga mbështetësit tonë janë 12 persona që kanë marrë trajtim spitalor dhe me qindra janë asfiksuar me përdorimin e gazit brenda godinës dhe më pas nga forcat e rendit. Nëse ka pas dhunë, përse të dëmtuarit janë vetëm protestuesit? Ne thamë që do të hapim dyert, dyert e blinduara nuk hapen me ledhatime por me goditje”, shtoi ai.
Bumçi deklaroi se Basha gëzon vetëm një shumicë prej 10% të demokratëve, ndaj votëbesimi nuk zgjidhet nga ai. Sipas tij Kuvendi Kombëtar i 11 dhjetorit ishte legjitim, ndaj duhet të njihet nga Basha.
“Kur janë mbyllur në Shqipëri dyer e selive në katoi 30 vite, kjo është hera e parë kur Basha zgjodhi të bënte gjithçka vetëm me arsyen që të mos votohet. Kjo krizë zgjidhet vetëm me votëbesim, ose të hyjë në zgjedhjet e PD-së si kandidat i thjeshtë. “S’dua dhe s’njoh”, këto janë fjalët që thotë Basha. Ai nuk i njoh firmat e demokratëve, janë kryetarët e partisë nuk janë demokratë të thjeshtë. Më 11 dhjetor u votua por ky nuk do dhe nuk i njeh. Vetëm vota vendos. Basha ka pakicë poshtë 10%, kjo krizë zgjidhet vetëm me votë, përse i shmanget ai. Kriza është qartazi nga personi që nuk do të votohet”, tha Bumçi.
Sipas anëtarit të kryesisë së PD-së Basha është përgjegjës për humbjet e opozitës dhe po bashkëpunon me Ramën, ndërsa thekson se demokratët mund ta ndalonin Bashën të hynte në selinë blu pas këtyre humbjeve, por nuk e kanë bërë.
“Basha dhe mbështetësit së tij thonë se demokratët janë të mërzitur por është emocionale dhe do të kalojë, s’ka lidhje fare ky njeri na coi në humbje , ka hyrë në muaj mjalti me Ramën. Ne mund ta kishim bllokuar Bashën që të futej në selinë e PD-së”, tha Bumçi.
Discussion about this post