Shkrumbohet nga flakët një shtëpi në Xibrakë, dyshimet e para

Një shtëpi dy katëshe në fshatin Xibrakë është përfshirë nga flakët dhe është djegur totalisht. Menjëherë sapo kanë marrë njoftimin, drejt vendit të ngjarjes janë nisur tre zjarrfikëse dhe një autoambulancë.
Si pasojë e flakëve mësohet se është djegur edhe një automjet i parkuar aty pranë, por nuk raportohen persona të lënduar.
Deri më tani dyshohet se flakët shpërthyen si pasojë e një shkëndije elektrike. Ndërkohë, grupi hetimor ka shkuar në vendin e ngjarjes për kryerjen e hetimeve për zbardhjen e shkaqeve të zjarrit.