Njëri prej pasagjerëve që ndodhej brenda autobusit të kompanisë Zhitia Turist, i cili u aksidentua në Serbi, deklaroi se janë të gjithë mirë. Për ‘Klan Kosovën’ shqiptari tha se në momentin kur ndodhi aksidenti ishin të gjithë në gjumë, ndërsa tha se në autobus kishte dhe fëmijë.
“Pra ka ardhur një autobus tjetër për të na marrë. Jemi në afërsi të Krushevcit. Të gjithë kemi qenë duke fjetur në atë moment. Mes nesh ka pasur edhe fëmijë dhe një person me aftësi të kufizuara, por të gjithë jemi mobilizuar për t’i ndihmuar njëri-tjetrit dhe të gjithë jemi mirë”, deklaroi mes tjerash ai.
Të lënduarit janë transportuar në spitalin e Krushevcit. Mësohet se shkaktar i aksidentit ka qenë kushtet e vështira të rrugës. Autobusi ishte duke shkuar në drejtim të Sllovenisë nga Kosova.
Discussion about this post