Të shtëna me armë kanë janë regjistruar në një shkollë katolike në Minesota. Të shtënat ndodhën në Kishën e Ungjillëzimit, dhe forca të shumta policie dhe shpëtimi kanë nxituar në vendngjarje.
Fillimisht u raportua për 20 të plagosur. Sipas informacioneve, janë konfirmuar dy vdekje ndërsa të paktën 14 persona janë plagosur. Sulmi ndodhi në periferitë jugore të Minneapolis, ku ndodhet një kishë katolike në të cilën në atë kohë mbahej mesha e përditshme, e cila ndodhet pranë një shkolle katolike për fëmijë të moshës 13-14 vjeç.
Një burrë i armatosur i veshur me të zeza thuhet se është përgjegjës për të shtënat. Autori është prangosur ndërsa aryset që çuan atë të kryejë këtë akt të rëndë ende nuk dihen.
Presidenti amerikan, Donald Trump, ka reaguar në Truth Social pas të shtënave në Minneapolis.
Trump tha se është informuar për të shtënat në një shkollë katolike në jug të Minneapolis, duke shtuar se do të vazhdojë të monitorojë “situatën e tmerrshme”.
“Jam informuar plotësisht për të shtënat tragjike në Minneapolis, Minesota. FBI-ja reagoi shpejt dhe është në vendngjarje. Shtëpia e Bardhë do të vazhdojë të monitorojë këtë situatë të tmerrshme. Ju lutem bashkohuni me mua në lutje për të gjithë të përfshirët!”, shkroi Trump në një postim në Truth Social.
Discussion about this post