Këngëtarja Bleona Qereti ka depozituar një padi në Gjykatën e Lartë të Nju Jorkut, Konteja Queens, duke kërkuar 2 milion dollarë dëmshpërblim nga Evi Kokalari, pas një fushate të vazhdueshme shpifjesh, sulmesh të organizuara dhe dezinformimi ndaj saj që ka nisur që prej vitit 2022.
Sipas padisë, veprimet e Kokalari kanë pasur qëllim të minojnë profesionalisht karrierën e Bleonës dhe të dëmtojnë reputacionin e saj personal. Bleona pretendon se Evi Kokalari ka shtrembëruar fakte, ka publikuar narrative të rreme dhe ka bërë interpretim dashakeq të materialeve artistike dhe fotografive të saj në rrjete sociale dhe media, duke synuar të shkaktojë polemika dhe të dëmtojë imazhin e saj.
Padia përshkruan gjithashtu se veprimet e Zj. Kokalari kanë përfshirë:
Publikimin dhe amplifikimin e deklaratave shpifëse dhe denigrues në rrjetet sociale dhe media.
Denigrim të Bleonës në rrethin e individëve profesional dhe personal.
Dezinformim të figurave politike në SHBA dhe Shqipëri për përfitime personale.
Tentativa për bojkotim të eventeve ku Bleona ka qenë e përfshirë.
Shantazh dhe presion ndaj individëve me ndikim për përfitime financiare dhe ekspozim publik.
Sipas Bleona Qeretit kjo fushatë ka shkaktuar dëme të pariparueshme në reputacionin e saj si në SHBA, ashtu edhe në Shqipëri, duke prekur karrierën dhe shkaktuar dhimbje emocionale për të dhe familjen e saj. Ajo kërkon nga gjykata të vendosë përgjegjësinë ligjore ndaj Zj. Kokalari dhe rivendosjen e së vërtetës, duke kërkuar kompensim për dëmet e shkaktuara.
Discussion about this post