Kombëtarja shqiptare e futbollit do të përballet mbrëmjen e sotme me Letoninë në stadiumin “Air Albania” në kuadër të kualifikueseve për Kupën e Botës 2026.
Por, kjo nuk është sfida e parë mes Shqipërisë dhe Letonisë, teksa janë luajtur 6 ndeshje mes tyre, ku 1 ka qenë miqësore, 2 për kualifikimet e Kupës së Botës “SHBA 1994”, 2 ndeshje për kualifikueset e “Euro 2000” dhe 1 ndeshje në Riga për kualifikueset e Botërorit 2026.
Ndeshjet mes kombëtares shqiptare dhe asaj letoneze kanë treguar një rivalitet të fortë dhe të balancuar gjatë viteve.
Në ndeshjet e para gjatë kualifikimeve për Kupën e Botës 1994, takimet përfunduan pa fitues, me rezultate të tilla si barazimi 1-1 në Shqipëri më 11 nëntor 1992, ku për kuqezinjtë shënoi mesfushori Ilir Kepa dhe barazimi 0-0 në Letoni më 15 maj 1993.
Ndeshja e tretë mes dy përfaqësueseve ishte një miqësore e 10 shkurtit 1998 e luajtur në Ta Qali të Maltës. Ndeshja përfundoi në barazim 2-2- u për kuqezinjtë shënoi 2 herë Bledar Kola.
Shqipëria dhe Letonia u përballën më pas edhe për kualifikueset e kampionatit Evropian të mbajtur në Holandë dhe Belgjikë në vitin 2000.
Ndeshja e parë në Riga e luajtur më 28 prill 1999 përfundoi në barazim 0-0. Ndërsa në sfidën e kthimit në Tiranë e luajtur më 4 shtator 1999, sfida përfundoi në barazim 3-3.
Për Kombëtaren shqiptare shënoi 2 herë Alban Bushi dhe 1 gol nga Devi Mukaj.
Së fundmi, për kualifikimet e Kupës së Botës 2026, Shqipëria dhe Letonia do të përballen sërish në grupin K, me ndeshje të planifikuara për 10 qershor dhe në shtator 2025, duke i shtuar edhe një kapitull të ri këtij rivaliteti.
Ndërsa dueli i fundit mes dy skuadrave daton më 10 qershor 2025 në Riga për Grupin K kualifikues të Kupës së Botës, i cili përfundoi 1-1.
Këto përballje dëshmojnë jo vetëm konkurrencën sportive, por edhe lidhjet kulturore dhe historike mes dy vendeve, ku futbolli shërben si një urë miqësie dhe sfide e ndershme në arenën ndërkombëtare.
Discussion about this post