Juristi Çlirim Gjata ka hedhur akuza ndaj Policisë së Shtetit, duke deklaruar se në selinë blu gjatë protestës së 8 janarit, policia ka pasur informacione se aty janë ndodhur një grup militantësh të armatosur, por nuk ka vepruar.
“Policia nuk ka bërë asgjë për informacionet e sakta që ka pasur. Në ambientet e PD ka pasur grup paramilitar të armatosur. Ishin të gatshëm që të përdornin armët dhe dhunë kundër protestuesve. Prokuroria dhe policia nuk heton me pamje. Por ndjek penalisht individualisht”, tha ai.
Ai tha se Prokurori dhe Policia e Shtetit po hetojnë për qytetarë, të cilët as nuk janë ndodhur në ambientet e selisë blu, për të cilët nu kanë fakte.
“Sa i takon 18 protestuesve dolën para gjyqit pa fakte. Kishte raste kur vetë prokurori u shpreh se këtë e ka ndaluar policia, por për të s’ka provë. Këta persona nuk janë kapur në oborrin e PD”, deklaroi ai.
Ndërkohë sipas Gjatës, Prokuroria nuk po heton personat e armatosur, duke theksuar se janë njoftuar përmes disa regjistrimeve, por nuk kanë kryer asnjë kontroll.
“Prokuroria dhe policia, megjithëse kanë pasur se në 6 dhe 7 kanë pasur regjistrime të denoncimeve se; në seli ka njerëz të armatosur, s’kanë bërë kontrolle. Problemi është se policia nuk ka bërë asgjë për grupin paramilitar të armatosur që ka qenë brenda në PD. Asnjë nuk është ndaluar nga policia, pasi ka pasur marrëveshje mes Bashës dhe policisë që ata të rrinë aty dhe mos t’ju hyjë asnjë gjemb në këmbë.”, tha Gjata.
Discussion about this post