Aksident tragjik te “Ura 6-metroshe”, makina përplas për vdekje të riun

Një aksident me pasojë vdekjen e një të riu është regjistrua ditën e sotme në Kukës. Mësohet se viktima është përplasur nga një automjet tip “Volkswagen”, teksa po lëvizte me biçikletë. I ndjeri është identifikuar si 30-vjeçari me iniciale S.D, ndërsa drejtuesi i mjetit që e ka aksidentuar mësohet se është shtetasi A. B., 47 vjeç, banues në fshatin Shtiqen.

Ngjarja ka ndodhur rreth orës 16:30, në vendin e quajtur “Ura 6-metroshe”. Drejtuesi i mjetit është shoqëruar në Komisariatin e Policisë Kukës, për veprime të mëtejshme. Grupi hetimor vijon punën për zbardhjen e plotë të rrethanave të aksidentit.