Armina Mevlani ka komentuar sërish situatën politike brenda Partisë Demokratike, ku ka theksuar se gjithçka ajo thotë është mendimi i saj personal, pasi ajo nuk është pjesë e politikës.
“Nuk ngatërrohem në politikë se nuk përkas. Jam rritur në familje artistësh, kjo nuk do të thotë se nuk kam një mendim. Pavarësisht se jam pjesë e familjes Berisha, gjykoj si e jashtme, jo si e diktuar se jam pjesë e familjes. Kam debatuar dhe për gjëra që nuk më kanë pëlqyer në një grup me miq, kam debatuar mendimin tim komplet e pandikuar. Për sa kohë nuk jam pjesë e politikës, nuk kam pse të përfshihem”, tha ajo.
Armina deklaroi se përjashtimi i Sali Berishës nga Partia Demokratike është anormale, teksa shtoi se gabimet janë pjesë e politikës. Ajo gjithashtu tha se Basha nuk gëzon mbështetje dhe këtë e dëshmojnë humbjet e tij.
“Përjashtimi i doktorit nga shtëpia e vet më duket anormale sepse janë shumë njerëz, më kthyen përgjigje se çfarë ka bërë gabim. Gabimet janë pjesë e politikës por për sa kohë që ke derdhur djersë, gjërat nuk bëhen në këtë formë nga një lider që 3 herë radhazi ka humbur. Ai thotë jam në krye të PD, por me kë njerëz, me kë mbështetës”, tha Armina.
Armina ka reaguar dhe gjatë protestës së 8 janarit, ku u shpreh se opozita e vërtetë ishte ajo jashtë selisë dhe jo ato që ndodheshin të mbyllur në godinë.
Discussion about this post