Kreu i Partisë Demokratike Sali Berisha, përmes një postimi në rrjetin social Facebook ka shprehur ngushëllimiet e tij për familjen dhe miqtë e aktorit dhe regjisorit të njohur Enver Petrovci. Berisha tha se Enver Petrovci ishte një artist, regjisor dhe skenarist i shquar, ndër më të mëdhenjtë e kombit. Veprimtaria dhe krijimtaria e tij mbetet e jashtëzakonshme dhe trashëgimi për kombin. Enver Petrovci i cili ishte një nga ikonat e tearit dhe kinematografisë shqiptare, ndërroj jetë mbrëmë në moshën 71-vjeçare.
Postimi i Sali Berishës
Dielli perëndoi përgjithmonë për të pavdekshmin Enver Petrovci.
Të dashur miq, arti dhe kultura e kombit shqiptar janë në zi. Enver Petrovci, një kolos i skenës, regjisë së teatrit dhe filmit kombëtar por edhe ndërkombëtar, mbylli sytë përgjithmonë. Artist, regjisor dhe skenarist i shquar, ndër më të mëdhenjtë e kombit, Enver Petrovci me veprimtarinë e tij të jashtëzakonshme dhe gjeniun e tij krijues mbetet i gjallë përgjithmonë në trashëgiminë, veprën dhe kujtesën e kombit.
Duke shprehur ngushëllimet e mia më të ndjera familjes së tij të nderuar, miqve dhe të afërmve, lutem së bashku me ta që shpirti i madh i Enver Petrovci të gjejë paqen e merituar. Amin.
Discussion about this post