Gazment Koduzi, anëtar i Kryesisë së PD ka reaguar pak ditë pas protestës së thirrur nga ish-kryeministri Sali Berisha, ku kujton si ka përjetuar 8 janarin.
Koduzi shkruan në Facebook se ndonëse kishte dëgjuar thirrje për dhunë nga Berisha pas përjashtimit nga PD më 9 shtator, nuk kishte menduar kurrë që ish-kryeministri do të nxite përplasje mes demokratëve në protestë.
Ndër të tjera, Koduzi tregon se kanë qenë në sallën e mbledhjeve kur i kanë qëlluar nga jashtë me gurë dhe xhama, duke iu rrezikuar jetën atyre që ishin brenda.
“Demokratët mund të kenë mendime të ndryshme për çështje të ndryshme, por asnjëherë nuk do të sulmonin selinë e Partisë Demokratike dhe aq më tepër të ushtronin dhunë mbi demokratët që ishin brenda kësaj selie. Unë i kisha dëgjuar thirrjet për dhunë ndaj demokratëve pas 9 shtatorit nga zoti Berisha dhe pasuesit e tij, por asnjëherë nuk më kishte shkuar në mendje që të fluturonin gurë, tulla dhe varre mbi kokat e demokratëve që ishin këtu brenda. Unë isha në sallën e mbledhjes bashkë me kolegët e mi kur filluan të fluturonin gurët dhe xhamat në kokën tonë. U ngjitëm nëpër shkallë në katin e mësipërm për t’u mbrojtur nga tullat dhe nga xhamat”, shkruan Koduzi.
Sipas tij, protestuesit që ushtruan dhunë më 8 janar, nuk kanë lidhje me demokratët, ndërsa shtoi se ata janë shkëputur nga PD përgjithmonë.
Discussion about this post