Është zbardhur numri i saktë i anëtarëve të Këshillit Bashkiak të Tiranës që votuan pro kërkesës për shkarkimin e Erion Veliajt. Nga 61 këshilltarë gjithsej qe ka keshilli, vetëm 50 votuan pro, pavarësisht konsensusit publik mes opozitës dhe mazhorancës për largimin e tij.
Mosprania apo mosvotimi i 11 këshilltarëve, shumica prej të cilëve nga radhët e PS-së, tregon se jo të gjithë i janë bindur “urdhrit” të Edi Ramës. Disa duket se kanë ruajtur një lloj respekti për Veliajn, për shkak të marrëdhënieve personale apo miqësive të mëparshme.
Në votim munguan: Joleza Koka, Eriona Bixho, Gazmend Paja, Eris Bejleri, Ervin Dushku, Aldo Merkoçi, Alfred Muharremi, Alba Kepi dhe Fabian Topollaj. Gjithashtu, nuk janë zëvendësuar ende Romina Kuko dhe Tedi Blushi, tashmë deputetë në Kuvend.
Me 35 vota të siguruara nga PS (së bashku me Endrit Braimllarin), rezulton se pa mbështetjen e opozitës, mazhoranca nuk do të arrinte shumicën prej 31 votash të nevojshme për miratimin e shkarkimit.
Braimllari propozoi bashkimin e tre kërkesave për shkarkim (të PS, PD dhe Endri Shabanit), gjë që u miratua për të unifikuar vendimmarrjen.
Këshilli Bashkiak u mbështet në pikën c të nenit 62 të ligjit “Për vetëqeverisjen vendore”, që parashikon shkarkimin e kryetarit të bashkisë për mungesë 3-mujore të pandërprerë në detyrë. Tashmë vendimi i kalon qeverisë, përmes Prefektit të Tiranës.
Erion Veliaj ka të drejtë ta ankimojë vendimin në Gjykatën Kushtetuese brenda 15 ditësh. Nëse nuk ankimon, Presidenti i Republikës do të duhet të shpallë menjëherë zgjedhjet për kryebashkiakun e ri të Tiranës.
Discussion about this post