Deputeti socialist, Erion Braçe, ka reaguar sot në lidhje me çmimet e ushqimeve që vazhdojnë të ngrihen. Përmes një postimi në rrjetin social Facebook ai është shprehur i revoltuar për rritjen e çmimeve të ushqimeve, duke thënë se paratë nuk i marrin bujqit dhe fshatarët, por tregtarët.
“Duke marr si shembull domaten, ai tha se ajo merret në Lushnje dhe Divjakë për 50 lekë/kg nga Tirana dhe shitet për 150 lekë, duke shtuar se ky disnivel është i pajustifikueshëm. Është fakt! Çmimet e ushqimeve janë rritur! Por një gjë: Kush mendon se të ardhurat e çmimeve të rritura po i merr bujku, fshatari, gabon! Po i merr tregtari!
Bujku po merr aq sa ka marrë gjithë jetën, ne mos më pak! Kush blenë domate sot me çmim 150 leke, duhet të dije se domatja më e mirë sot, tani, në Lushnje e Divjakë kushton 50 lekë për kilogramë, kaq! Këtë merr bujku dhe po i fitoni 5-7 lekë për kilogram është i lumtur! 100 lekë nga Lushnja/ Divjaka në Tiranë është grabitje”, shkruan ai.
Ai theksoi se nuk është qeveria ajo që vendos çmimet e tregut, por është ajo që sipas tij ka detyrën të ndalojë grabitjen që po i bëhet fshatarëve, bujqve dhe sigurisht konsumatorëve.
“Ka ndryshuar vetëm çmimi i karburantit nga 168-183 lekë/ litër. Pra, nga Lushnje/Divjaka në Tiranë u është shtuar 700-1000 leke shpenzim për rrugë! A justifikon ky shpenzim shtesë 100 lekë për kilogram domate?! Kurrë!
Thënë këtë, dua të jem i qartë: Qeveria nuk cakton çmime (entet rregullatore po), por qeveria ka detyrë të ndalë grabitjen me çmimet e padrejta! Çmimet e drejta nuk janë komunizëm, siç mendon dikush”, shprehet ai. Veliaj ka kundërshtuar vazhdimisht qeverinë për mosreagimin në lidhje me abuzimet që po bëhen në treg dhe abuzimet që bëhen ndaj qytetarëve.
Discussion about this post