Policia e Durrësit ka shoqëruar mbi 10 persona lidhur me vrasjen e rëndë të ndodhur mbrëmjen e së mërkurës në lagjen nr. 12, ku Valbon alias Marko Beqiraj, 51 vjeç, u masakrua me thikë në banesën e tij. Mes të shoqëruarve dyshohet të jetë edhe autori i dyshuar i krimit, i cili nuk ka lidhje familjare me viktimën.
Raportohet se mes viktimës dhe autorit dyshohet se ka pasur një debat para ngjarjes. Në banesë janë mbledhur gjurmë gishtërinjsh dhe janë analizuar pamjet e kamerave të sigurisë për identifikimin e autorit.
Viktima jetonte me bashkëshorten dhe djalin e tij dhe punonte si kamarier. Nipi i tij gjeti trupin pa shenja jete rreth orës 19:30, pasi bashkëshortja e viktimës nuk mori përgjigje nga ai gjatë ditës.
Ekspertiza paraprake mjekoligjore ka konfirmuar se vdekja e 51-vjeçarit ishte pasojë e plagëve të shkaktuara me mjet prerës (thikë).
Discussion about this post