Një ngjarje e rëndë është raportuar pak më parë në afërsi të Saukut, ku një person i armatosur po ndiqej nga forcat Shqiponja.
Mësohet se gjatë tentativës për t’iu shmangur policisë ai ka përplasur disa makina, përfshirë një motor.
Si pasojë e përplasjes, një polic jashtë shërbimit së bashku me bashkëshorten kanë mbetur të lënduar.
Polici ndodhet në gjendje të rëndë shëndetësore, si pasojë e përplasjes.
Autori është arrestuar nga forcat policore, teksa iu gjet edhe arma.
Blutë e kryeqytetit sqarojnë së ne zonën e Liqenit të Thatë, forcat “Shqiponja” i kanë bërë shenjë për të ndalur 31-vjeçarit, Imer Krrashi i cili po qarkullonte me makinë, por ai nuk i është bindur urdhrit, duke u larguar me shpejtësi.
Për pasojë është përplasur me disa makina dhe një motor, ku po udhëtonte një polic me gruan e tij.
Policia thote se gjatë kontrollit të automjetit i është gjetur një armë zjarri pistoletë.
Tiranë/Informacion paraprak
Rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin I. K., 31 vjeç, pasi kishin marrë informacion se 31-vjeçari qarkullonte me armë zjarri.
Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.
Discussion about this post