Policia e Tiranës ka arrestuar një 23-vjeçar, pasi është kapur duke lëvizur me armë, ndërsa posedonte edhe në banesë. Sipas bluve të kryeqytetit, është vënë në pranga Mario Gurrica, 23 vjeç, banues në Tiranë.
Pas lokalizimit dhe ndalimit të mjetit me të cilin po qarkullonte, shërbimet e Policisë kanë ushtruar kontroll në mjet dhe kontroll fizik nga drejtuesit, të cilit i kanë gjetur një sasi fishekësh.
Në vijim të kontrollit, në banesën e tij, policia gjeti një armë zjarri pistoletë, fishekë luftarakë, një pistoletë zhurmuese, fishekë zhurmues, një thikë, një shkop bejzbolli, një kuti metalike me një sasi saçmash për armë sportive dhe një maskë, të cilat u sekuestruan në cilësinë e provës materiale, së bashku me automjetin me të cilin udhëtonte 23-vjeçari.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
Discussion about this post