DJ shqiptar u nda nga jeta në moshë të re, shoku tregon bisedën e fundit: Nuk ndihej mirë

Tre ditë më parë, u nda nga jeta në moshë të re DJ nga Prishtina, Erin Godanci. Dyshohet se ai ndërroi jetë si një pasojë e ataku kardiak.

Në një lidhje me Skype në “ABC e Mëngjesit”, shoku i ngushtë i tij, Ardian Berisha, ka treguar se Erini ishte një djalë shumë i mirë dhe askush nuk fliste keq për të.

“Askush në qytet nuk e kam parë të thotë që ka pasur një hidhërim apo të grindej me Erinin. Ka qenë një djalë i jashtëzakonshëm dhe sinqerisht për ne ka qenë një humbje shumë e madhe, për komunitetin artistik të Prishtinës”, tha Berisha.

Më tej, ai ka zbuluar edhe bisedën e fundit me DJ e ndjerë, i cili kishte anuluar një koncert për shkak se nuk ndihej mirë.

“Gjatë ditës i ka thënë një shoku që punon si menaxher që ka ethe dhe temperaturë, ka një lodhje. Edhe duhet ta gjejnë një zëvendësues që e kishte të pamundur të shkonte. Ne ishim në darkë bashkë me shoqërinë atë natë dhe rreth orës 7:30 kur e kemi marr atë lajm ka qenë një ndjenjë e papërshkrueshme”, shtoi ai.

27-vjeçari ishte ndër DJ më të njohur në kryeqytet, ndërsa ka performuar në shumë lokale të njohura në Prishtinë.