Banorët e një pallati 12-katësh në lagjen “Apollonia” të Fierit kanë dalë sot në protestë para Kadastrës, pasi prej 20 vitesh nuk janë pajisur me certifikata pronësie.
60 familje dhe më shumë se 20 biznese të një pallati 12-katesh në lagjen “Apollonia” kanë dy dekada që kanë hyrë në shtëpitë e tyre por ende janë të papajisur me çertifikata pronësie.
Një përfaqësi e tyre protestoi para Kadastrës së Fierit, duke pretenduar se pallati nuk ka plan mbivendosje dhe asnjë pengesë ligjore për tu pajisur me dokumente.
Ndërtuesi i pallatit, Njazi Vrenozi, pohon se nga 9 pallatet që ka ndërtuar në Fier, ky është i vetmi që banorët kanë mbetur pa u pajisur me çertifikatë pronësie.
Sipas tij, ngërçi ka ardhur pasi ka patur një mospërputhje të metrave katrore të deklaruar nga ish-pronarët, problem që është sqaruar tashmë.
I kontaktuar në lidhje me këtë problematikë, drejtori i Kadastrës, Evarist Kazheli, ka pohuar se dosja do të trajtohet me prioritet për t’i dhënë zgjidhje sa më të shpejtë shqetësimit të banorëve.
Discussion about this post