Një makinë tip “Benz” me targa të vjedhura, në të cilën ndodheshin dy persona i ka shpëtuar policisë në Qafë-Kashar në orët e mesnatës duke u larguar drejt Fushë Krujës.
Patrulla u vu në ndjekje të mjetit me të cilin lëviznin 2 persona. Sapo vërejtën policinë autorët rritën shpejtësinë dhe tentuan të arratisen duke u larguar drejt Fushë-Krujës. Në ndjekje e sipër mjeti i dyshuar pësoi aksident duke u përplasur me një mjet tjetër. Pas aksidentit personat që ishin në mjet janë larguar në drejtim të paditur.
Pas verifikimeve nga Policia, targat e mjetit rezultojnë të vjedhura disa ditë më parë. Grupi hetimor po punon për identifikimin dhe kapjen e autorëve dhe sqarimin e rrethanave të ngjarjes. Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
Discussion about this post