3 të rinj nga Tirana kanë rënë në prangat e policisë ditën e sotme, për vepra penale të ndryshme. Mësohet se është arrestuar një 33-vjeçar, i cili akuzohet se ka përndjekur vazhdimisht një 24-vjeçare dhe e kërcënonte që të lidhej me të. Ka qenë kjo e fundit që ka bërë denoncimin e në komisariatin e policisë, pasi është bërë i mundur identifikimi i tij, policia e ka arrestuar në flagrancë.
Gjithashtu, dy persona janë arrestuar në Tiranë pasi kanë ushtruar dhunë fizike ndaj babait dhe një tjetër ndaj bashkëshortes. Policia informon se është arrestuar një 32-vjeçar pasi ka dhunuar babain e tij. Ndërsa një 37-vjeçar ka dhunuar fizikisht dhe psikologjikisht bashkëshorten e tij. Dy personat do të akuzohen për dhunë në familje.
Rastet e dhunës në familje dhe të rinjtë që kërcënojnë të dashurat e tyre janë fenomene alarmante në vendin tonë. Madje kohët e fundit raportohet edhe një numër i lart shqiptarësh që arrestohen jashtë shtetit për këto vepra.
Discussion about this post