Kapiteni i Kombëtares së Serbisë, Aleksandar Mitroviç, ka shprehur zhgënjimin e tij pas humbjes përballë Shqipërisë, duke e cilësuar si një nga më të vështirat në karrierën e tij.
“Nuk është me shumë mundësi, por e them e sigurt që është një nga humbjet më të vështira në karrierën time. Shumë e vështirë për futbollin tonë në ekipet kombëtare,” tha ai, duke shtuar se skuadra nuk luajti një ndeshje të mirë dhe ndjeu nervozizëm që nga minuta e parë.
Mitroviç u shpreh se pavarësisht përpjekjeve, ekipi nuk arriti të krijonte raste të pastra në pjesën e dytë dhe pësoi gol në kohën shtesë, duke kontribuar në rezultatin final.
“Janë momente të vështira për ne. Brenda tre ditësh kemi një ndeshje të rëndësishme në Andorra. Teorikisht jemi ende në lojë, por asgjë nuk varet nga ne. Do të bëjmë më të mirën në tre ndeshjet e fundit dhe shpresojmë që Shqipëria të humbasë ndonjë pikë,” tha Mitroviç pas ndeshjes.
Humbja e Shqipërisë ndaj Serbisë ka shkaktuar gëzim të madh te tifozët shqiptarë, ndërsa Kombëtarja tashmë përgatitet për ndeshjet e ardhshme në kuadër të kualifikimeve për Botërorin 2026.
Discussion about this post