Dëshmia/ “E gjithë Shkodra e di kush je ti”, fjalët para plumbave në sallën e gjyqit

“Se po vërtetoj ato që ka thënë e gjithe Shkodra per ty që ti je ….”.

Kjo është fjalia që Gjon Shkëmbi iu drejtua gjyqtarit Astrit Kalaja sapo ky i fundit dha vendimin kundër familjes së tij.

Pas thirrjes së Gjonit, Kalaja i është përgjigjur me fjalët “vazhdo ti vazhdo” dhe në këtë moment Elvis Shkëmbi ka nxjerr armën nga brezi duke qëlluar drejt magjistratit.

Këto të dhëna kanë dalë nga dëshmia e Ervis Kurtaj i cili po ashtu ishte palë në porces duke mbetur i plagosur bashkë më babain e tij.

Sipas Ervis Kurtaj në atë moment ai ka tërhequr babain e tij, Ragipin për t’u larguar në drejtim të korridorit, me qëllim për t’ju shmangur kësaj situate.

Personi pasi ka qëlluar mbi gjyqtarin, ka nisur të qëllojë ndaj tyre, ku si pasojë e të shtënave në drejtim të tyrë këta shtetas kanë marrë dëmtime.

Po ashtu para prokurorisë ka dëshmuar edhe Gjon Shkëmbi i cili në fakt nuk ka dhënë shumë detaje për ngjarjen.

Ai ka deklaruar se janë duke e marrë në qafë, ai eshtë një viktimë në këtë rast, pasi nuk ka vrarë askënd, veç pa plagë në trup, ai nuk ka ditur çfarë do të ndodhte sot.

Elvis Shkambi eshtë djali i vëllait të tij dhe kanë një pronë të perbashkët, per te cilën ishin dhe ne gjyq dhe nuk ka gjë tjetër per të treguar.