Pastruan 1.25 mln € nga trafiku i drogës , GJKKO dënon me 22 vite burg vëllezërit Ramaj dhe bashkëpunëtorët! Shërbim prove për ish-drejtoreshën e Kadastrës së Durrësit

Gjykata e Posaçme Kundër Korrupsionit dhe Krimit të Organizuar (GJKKO), ka dënuar me rreth 22 vite burg 3 të pandehurit Besjan Ramaj, Leonard Ramaj dhe Ardjan Malasi të akuzuar për veprat penale “Pastrimi i produkteve të veprës penale ose veprimtarisë kriminale” e “Grupi i strukturuar kriminal” dhe ka lënë në ‘shërbim prove’ për Rajmonda Dashi, ish-drejtoreshë e Kadastrës së Durrësit.

Vëllezërit Rama dhe dy bashkëpunëtorët Ardjan Malasi dhe Rajmonda Dashi pastruan 1.25 milionë euro para të përfituara nga trafiku i drogës në Belgjikë.

Katër të pandehurit janë gjykuar sipas rregullave për gjykim të shkurtuar. Përkatësisht dënimet për secilin janë:

1.Besjan Ramaj- i akuzuar për “Pastrimi i produkteve të veprës penale ose veprimtarisë kriminale” – dënuar me 6 vite e 8 muaj burg
2.Leonard Ramaj – i akuzuar për “Pastrimi i produkteve të veprës penale ose veprimtarisë kriminale” – dënuar me 5 vite burg
3. Ardjan Malasi – i akuzuar për “Pastrimi i produkteve të veprës penale ose veprimtarisë kriminale” – dënuar me 6 vite burg
4. Rajmonda Dashi – akuzuar për “Pastrimi i produkteve të veprës penale ose veprimtarisë kriminale” – pezulluar dënimi me 4 vite e 8 muaj burg dhe konvertuar në ‘shërbim prove’.