Temperaturat e ulëta dhe përhapja e virozave kanë sjellë një rritje të ndjeshme të numrit të qytetarëve që kërkojnë ndihmë mjekësore në qendrat shëndetësore në të gjithë vendin. Moti i ftohtë po ndikon ndjeshëm në shëndetin e qytetarëve, duke shtuar rastet me grip dhe probleme respiratore.
Mjekët apelojnë për kujdes të shtuar, veçanërisht për fëmijët, të moshuarit dhe personat me sëmundje kronike. Ata këshillojnë që qytetarët të ushqehen shëndetshëm, të konsumojnë sa më shumë lëngje, çajra të ngrohtë dhe të vishen trashë për të shmangur ekspozimin ndaj të ftohtit.
Për të lehtësuar kollën – një nga simptomat më të shpeshta dhe më të bezdisshme të virozave – mjekët alternativë dhe specialistët e mjekësisë popullore rekomandojnë edhe trajtimin natyral me një shurup të përgatitur në shtëpi, i cili mund të ndihmojë në qetësimin e kollës brenda 24 orëve.
Receta e shurupit natyral për kollën:
Përbërësit:
-
2 gota ujë
-
1 limon
-
1 qepë
-
2 lugë mjaltë
Përgatitja:
Zieni ujin së bashku me qepën e ndarë në katër pjesë dhe lëngun e një limoni. Lërini të vlojnë për 10–15 minuta. Pasi përzierja të ftohet pak, kullojeni dhe shtoni dy lugë mjaltë. Ruajeni në një kavanoz qelqi dhe konsumoni disa lugë gjatë ditës, veçanërisht para gjumit.
Ky shurup ndihmon në zbutjen e fytit, uljen e irritimit dhe lehtësimin e kollës. Megjithatë, mjekët theksojnë se në rast se simptomat përkeqësohen, duhet kërkuar menjëherë ndihmë profesionale.
Discussion about this post