Kreu i Partisë Demokratike, Sali Berisha hodhi akuza ndaj Belinda Ballukut se ka vjedhur miliona euro me projekte të dyshimta.
Në një konferencë me gazetarët, Berisha tha se vetëm në disa agjenci të drejtuara nga Balluku KLSH ka konstatuar 2.2 miliardë euro të vjedhura.
Po ashtu, kreu i PD-se u shpreh se vetëm me një të rënë të lapsit u vodhen 50 milionë euro me tunelin e Llogarasë.
“U fol për tunelin e Llogarasë 50 milionë euro me një të rënë të lapsit, e dokumentuar. U fol për aeroportin e Vlorës 140 mln euro, u fol për vjedhjet e tmerrshme, për udhëtimet e Ramës me charter. Prisni, këto nuk janë as 1/5 e parave të vjedhura. Do i merrni vesh nga kjo dyshe Rama-Balluku. Vetëm Kontrolli i Lartë i Shtetit dhe vetëm në disa agjenci të varur nga Lubi Balluku ka konstatuar 2.2 mld euro vjedhje dhe shpërdorime”, tha ndër të tjera Berisha.
Pjesë nga deklarata
Mbrojta 630 milionë euro që CEZ duhej t’u paguante shqiptarëve me fatura të certifikuara nga kompania ndërkombëtare, dhe që Edi Rama, në vend të arbitrazhit ku e kishim të sigurt fitoren, ndau me ta edhe 100 milionë euro të taksapaguesve shqiptare.
Ata, të quajtur, çfarë t’u them unë atyre, që dalin në media dhe thonë se nuk u fol për qytetarin, po të kujt janë ato para?
U fol për tunelin e Llogarasë, 50 milionë euro me një të rënë të lapsit, e dokumentuar.
U fol për aeroportin e Vlorës, 140 milionë euro.
U fol për vjedhjet e tmerrshme në energji.
Për udhëtimet e Edi Ramës me avion çarter.
Këta zotërinj që pretendojnë se nuk u fol për qytetarin, a nuk janë taksa të qytetarëve këto vjedhje?
Dhe prisni, thashë edhe njëherë, këto nuk janë as një e katërta apo një e pesta e parave të vjedhura.
Tani, kur korrupsioni i saj me Edi Ramën u bë sa mali i Dajtit, i pakrahasueshëm, dhe unë u thashë vetëm disa afera së bashku bëjnë 2 miliard, të kontrolluara nga KLSH, por ajo deri një vit më parë ka administruar në portofolin e vet 12 miliardë euro.
Unë u garantoj ju se nga këto 12 miliardë euro, të paktën 10 miliardë janë vjedhur dhe shpërdoruar.
Sepse unë kam sensin e saj sa kushton kjo dhe sa kushton ajo.
Pra, në këtë rast, Rama se ç’ka gjetur një supervizim, një milion euro, si puna e fustaneve të Velicës, dhe këtu i thotë nuk kam çfarë të bëj tani.
Rama mendon se shpëton në këtë mënyrë, por Rama është përgjegjës kryesor dhe nuk do shpëtojë kurrë nga vjedhjet e saj.
Në qoftë se ka një njeri që ka vjedhur së bashku me Ramën, të paktën prej 20 e sa vitesh me radhë, kjo është Lubi Balluku. Kjo është e njohur.
A po përpiqet Rama?
Edhe ato që thotë se i bëri presion këtij dhe atij është skema e Veliajt.
Iu kujtohet, i çoi punonjësit të gjithë, e rrethuan Skapin.
U kujtohet fjalimi, empatia që tregoi ai për djalin e Erionin, që nuk kishte kush ku ta çonte këtu e aty.
Pra, Rama sigurisht që po përpiqet të mos e zërë brenda mali që po shembet, por Rama është kryesori.
Lubia ka shumë, Lubia është hajdutja më e tmerrshme, më e papërmbajtur e 113 viteve shtet shqiptar, pas Edi Ramës.
Discussion about this post