Kryetari i Partisë Demokratike, Sali Berisha, në konferencën e sotme për media deklaroi se është i gatshëm të takohet me kryeministrin Edi Rama vetëm për një çështje: përcaktimin e Senatit në Kushtetutën e vendit.
“Ramën mund ta takoj vetëm për të përcaktuar Senatin në Kushtetutën e Republikës,” tha Berisha, duke theksuar se çdo ndryshim tjetër kushtetues është i panevojshëm.
Ai shtoi se krijimi i një Senati do të ishte një institucion i dobishëm, që nuk do të rëndonte buxhetin e taksapaguesve, por përkundrazi do të sillte uljen e numrit të deputetëve.
Lidhur me reformën territoriale, Berisha theksoi se nuk ka nevojë për ndryshime në Kushtetutë, duke theksuar se kjo çështje mund të zgjidhet pa ndërhyrje kushtetuese.
“Nuk ka asgjë për të prekur Kushtetutën. Por nëse është problemi për të përcaktuar Senatin e Republikës, po jam gati, nuk kemi asnjë kompleks aty, sepse besojmë se është një institucion i dobishëm dhe jo duke rënduar buxhetin e taksë paguesve, por duke zvogëluar numrin e deputetëve.
Përsa i përket reformës territoriale nuk ka nevojë për Kushtetutë, ju siguroj që nuk ka“, u shpreh ai.
Discussion about this post