I shpallur në kërkim për trafik droge, arrestohet shqiptari në Athinë

Policia greke ka arrestuar në Athinë një shqiptar me dy urdhër arreste. Në momentin e prangosjes atij i është gjetur sërish lëndë narkotike.

Sipas mediave, operacioni është zhvilluar në Petralona, ku mësohet se i arrestuari është një 32-vjeçar nga Shqipëria.

Ndaj tij kishte dy urdhër arreste për trafik droge, ndërkohë gjatë kontrolleve në banesë, i janë sekuerstruar 5.4 kg marijuanë, 24 gram kokainë, 1 pistoletë me 7 fishekë, 2510 euro, 250 paund, 2 peshore dhe 2 telefona celularë.