Ish-deputeti i PD-së, Ervin Salianji, ka reaguar në rrjetet sociale pas ndarjes nga jeta të ish-kreut të Partisë Socialiste, Fatos Nano.
Salianji e vlerëson Nanon si një nga personalitetet më të rëndësishme të tranzicionit politik shqiptar dhe thekson se, pavarësisht krahut politik, Nano kishte kulturë, mendim liberal dhe respekt për debatet e hapura.
“Fatos Nano krijoi një parti moderne të majtë, lejoi garën dhe lirinë e mendimit brenda saj dhe formoi breza politikanësh që janë aktivë edhe sot. Ngushëllime familjarëve, miqve dhe bashkëpunëtorëve të tij. Qoftë i paharruar!”, shkruan Salianji.
Postimi i Salianjit:
Fatos Nano, një nga personalitetet më të rëndësishme të tranzicionit politik shqiptar, drejtues historik i Partisë Socialiste dhe një nga protagonistët e pluralizmit pas viteve ’90.
Edhe pse në krahë të ndryshëm politikë, Fatos Nano përfaqësonte një profil të veçantë, liberal në mendim, i hapur ndaj debatit, me kulturë politike dhe respekt për mendimin ndryshe.
Ai krijoi një parti moderne të majtë, lejoi garën dhe lirinë e mendimit brenda saj, dhe formoi breza politikanësh që vijojnë të jenë aktivë edhe sot.
Ngushëllime familjarëve, miqve dhe bashkëpunëtorëve të tij.
Qoftë i paharruar!
Discussion about this post