Lideri holandez i ekstremit të djathtë, Geert Wilders, pretendoi për “parregullsi” të pakonfirmuara në zgjedhjet parlamentare, pak minuta pasi rivali i tij kryesor, Rob Getten i partisë së qendrës D66, shpalli fitoren me një diferencë të ngushtë.
Agjencia holandeze ANP, e cila po regjistron dhe publikon rezultatet, raportoi më parë se partia e Wilders (PVV) nuk mundi ta ngushtonte diferencën me D66, pasi kishin mbetur vetëm disa vota për t’u numëruar.
Më pas, Wilders postoi një pamje të ekranit në platformën X me një mesazh ku thuhej se më shumë se 100 vota nuk ishin regjistruar në Maastricht, duke sugjeruar se e njëjta gjë kishte ndodhur edhe në komuna të tjera. Në një mesazh tjetër, ai pretendon se 15 kuti votimi plot me fletë votimi janë zhdukur nga Zaanstad, pranë Amsterdamit.
Agjencia France-Presse nuk ishte në gjendje t’i verifikonte këto pretendime.
“Ka një ortek mesazhesh të këtij lloji, nga e gjithë vendi. Nuk e di nëse e gjithë kjo është e vërtetë, por do të ishte mirë të hetohej”, tha Wilders.
Një tjetër pamje e ekranit të një mesazhi thoshte se pronari i kompanisë HackDefense, e cila ishte ngarkuar të testonte softuerin e numërimit të votave, ishte anëtar i partisë D66 të udhëhequr nga Geert Wilders.
“A është i saktë ky mesazh?” pyeti Wilders.
gijotina.com/
Discussion about this post