“Nuk është e largët dita kur emri i Ramës do mbërrijë në SPAK”/ Gazetarja: Akuza e Ballukut, e provuar me përgjime…

Belinda Balluku e cila u mos zyrtarisht e pandehur për veprën penale të “Shkeljes së barazisë në tendera”, lidhur kjo me Tunelin e Llogarasë.

gazetarja Klodiana Lala ka dhënë detaje në lidhje me atë që ka ndodhur sot.

“Deri në momentin që do të paraqitej në SPAK konsiderohej person nën hetim, por kur merr dijeni për akuzën, konsiderohet zyrtarisht e pandehur. Kjo u vërtetua zyrtarisht edhe nga SPAK që bëri me dije se gjithçka lidhen në lidhje me tunelin e Llogarasë, kur fillimisht doli fitues firma Gjoka konstruksion, tender që u anulua vetëm pak më vonë. 5 muaj më vonë tenderi u fitua nga kompani turke, me një vlerë 50 mijë euro më shumë nga oferta që kishte dhënë fillimisht “Gjoka”. Ajo që ishte interesanti ishte fakti që në fund ndërtimet u bënë në realitet nga “Gjoka” pavarësisht se tenderin e mori kompania turke.

Burime bëjnë me dije se janë të kryqëzuara me udhëtimet, bisedat telefonike, praktikën e tenderave dhe kanë krijuar panoramën që hetuesit besojnë se kanë arritur një provueshmëri të lartë lidhur me veprën penale”, tha ajo.

Sipas Lalës mbetet në dorën e SPAK të vlerësojë nëse ekziston mundësia për të manipuluar apo ndikuar në prova.

“Gra të cilat janë hetuar zakonisht kanë shkuar në masa të lehta sigurie. Rama u duk sikur kishte një distancim mbi komunikimin e akuzës ndaj Ballukut. Balluku është një grua shumë e fuqishme brenda PS, është numri 2 brenda PS, do të jetë edhe një luftë forcash brenda llojit, brenda PS”, tha ajo.

Gazetarja Klodiana Lala ka deklaruar se sipas saj nuk është e largët dita kur emri i kryeministrit Rama do të mbërrijë në SPAK, qoftë edhe për t’u pyetur.

E ftuar në “Kjo Javë” në News24, Lala u shpreh se ende nuk dihet se për cilën çështje do të thirret kreu i qeverisë, pasi janë disa që qarkullojnë, por duket se “shigjeta” e SPAK është drejtuar nga Rama, pasi sot u mor e pandehur numri 2 i qeverisë, Belinda Balluku, e cila u mor e pandehur për shkelje të barazisë në tendera, lidhur me Tunelin e Llogarasë.

“Emri i Ramës përmendet nga Ahmetaj, edhe në çështjen “McGonigal”, nuk e shoh të largët ditën që emri i kryeministrit do të mbërrijë në SPAK, qoftë edhe për t’u pyetur.
Ka një logjikë, nisi me Alqi Bllakon, Kokën, Beqajn, Çyrbjan, Veliajn, Metën e Veliaj, kur shkon te Balluku që është një shkallë më poshtë se Rama , shigjeta drejtohet nga Rama”, tha ajo.