Dhjetëra mijëra serbë u mblodhën sot për të përkujtuar viktimat e shembjes tragjike të stacionit hekurudhor një vit më parë — një ngjarje që ndezi ndjenjat kundër qeverisë dhe që vazhdon të rrezikojë pozitën e presidentit Aleksandar Vuçiç.
Lëvizja e udhëhequr nga studentët organizoi tubimet në Novi Sad, qyteti i dytë më i madh i vendit, ku më 1 nëntor 2024, çatia e stacionit hekurudhor të saporikonstruktuar u shemb papritur.
Tubimi përkujtimor i së shtunës nisi në ora 11:52, pikërisht në momentin kur çatia ra, dhe pjesëmarrësit mbajtën 16 minuta heshtje për 16 viktimat që humbën jetën. Njerëzit vendosën lule dhe qirinj përgjatë rrethimit të përkohshëm pranë hyrjes së dëmtuar të stacionit, ndërsa mijëra të tjerë mbushën sheshin përballë.
Kjo tragjedi frymëzoi lëvizjen më të madhe rinore në Serbi që nga rënia e Sllobodan Millosheviçit, ish-udhëheqësit autoritar që vdiq në vitin 2006 nga një atak në zemër, ndërsa po gjykohej për 66 akuza për krime kundër njerëzimit, përfshirë edhe gjenocidin.
Kryetari i PD-së Sali Berisha ka postuar në rrjetet sociale një video të kësaj proteste me mbishkrimin
“Novisadi kundër Vuçiç, autokratit, patronit të Ramaduros!”
Në mbledhjen e djeshme të grupit parlamentar të PD-së Berisha deklaroi se opozita do të nisë një proces që synon të ngrejë zërin e qytetarëve kundër narkoregjimit.
Berisha theksoi se energjia dhe entuziazmi qytetar janë përgjigjja e vetme ndaj pushtetit actual I lidhur kartelet e drogës dhe që manipuloi zgjedhjet
“Vetëm zëri, energjia, entuziazmi i tyre është përgjigja e vetme ndaj këtij narkoregjimi” deklaroi Berisha.
Discussion about this post