Nga Klodiana Qamo
Krimi në familje, jo vetëm kohët e fundit, por gjatë viteve të fundit është bërë një dukuri e zakonshme. 2022, viti i ri hyri që në javët e para me krim në familje, me lajmin e dhimbshëm “burri vret gruan”. Krimi në familje, lajmi më i ndjeshëm për opinionin, më i rëndi që paraqet rrezikshmërinë më të lartë shoqërore, mori një tjetër formë ditëve të fundit.
Vendosja në çdo rrugë emrat e viktimave nga krimi në familje, jo vetëm që shkaktoi një shok tek qytetarët por humbi edhe qëllimin e saj në vetëvete. Sensibilizimi apo respektimi si dhe kujtimi i secilës prej viktimave nuk realizohet nëpërmjet emërtimit të rrugëve të qytetit. Tabelat e rrugëve me ngjyrë të zezë, të bashkangjitura me disa të dhëna ose detajet specifike për secilën prej viktimat, ishin në çdo kënd dhe të lexueshme nga fëmijët deri tek më të rriturit, i lexueshëm edhe tek autorët që ende enden të lirë në rrugët e Tiranës.
Problemi i parandalimit të krimit në familje, apo sensibilizimi i shoqërisë nuk mund të zgjidhet me një shkrim në gazetë, apo duke vendosur emrat e viktimave në rrugët e Tiranës. Duke dënuar dhe denoncuar çdo akt dhune kur viktimat janë gjallë, duke protestuar jo vetëm viktimën por edhe autorin e krimit ndaj çdo dënimi ose vendimi me detyrim paraqitje që marrin në vendin tonë. Për këtë qëllim kërkohet që ligji për parandalimin e krimit dhe dhunës në familje, të fillojnë të forcohen dhe të zbatohen.
Discussion about this post