U arrestua pas sherrit në Bashkinë e Pogradecit, gjykata liron nga burgu Kevi Muçollarin

Gjykata e Korçës liron nga burgu 27-vjeçarin Kevi Muçollari,i cili u arrestua disa ditë më parë pas sherrit në Bashkinë e Pogradecit.

Mësohet se Gjykata e Korçës e ka cilësuar arrestimin e tij si të paligjshëm, duke vendosur lirimin e tij nga qelia.

Kujtojmë se gjatë një mbledhjeje të Këshillit Bashkiak me prezencë të qytetarëve, Kevi Muçollari sulmoi fizikisht një prej anëtarëve të këshillit.

Sherri mes tyre nisi pas miratimit të listës së sipërfaqes së tokës prej 34.660 hektarësh në Çërravë, që mund të jepen me qira.

Sipas dëshmitarëve, këshilltari Engjëll Shyti është ngritur nga tavolina dhe është konfrontuar fizikisht me Kevi Muçllarin, një prej përfaqësuesve të banorëve të Çërravës.