Hajdutët bastisin shtëpinë e Alisha Lehmann, futbollistja iu përgjigjet me ironi

Alisha Lehman është një nga sportistet më të ndjekura në rrjetet sociale, pasi futbollistja ka bërë emër me postimet e saj. Por postimi i fundit i i saj nuk kishte lidhje me futbollin apo me pozat tunduese me të cilat ka bërë famë.

Ajo ka treguar pamje nga dhoma e saj, pas një “vizite kortezie” nga hajdutët, të cilët kishin bërë gjithçka rrëmujë duke kërkuar gjërat me vlerë të futbollistes e cila është pjesë e ekipit të femrave të Komos.

“Herën tjetër që vidhni në shtëpinë time, ju lutem pastrojeni pasi vuaj pak nga çrregullimi obsesiv-kompulsiv (OCD)”, shkruante me humor ajo duke treguar rrëmujën që kishin bërë hajdutët.

Rikujtojmë se së fundmi Lehmann, në një intervistë për kanalin zviceran në YouTube, Shirin Devin, zbuloi se fitimet dhe famën e madhe ia detyron rrjeteve sociale, nga të cilat është e varur, ndryshe nga futbollistët meshkuj të cilët kanë paga shumë më të larta.

Ajo ka thënë se përmes sponsorëve merr rreth 260 mijë euro për çdo foto të publikuar.