Presidenti i Turqisë Rexhep Tayyib Erdogan ka nisur vizitën e tij disa orëshe në Shqipëri, ku vetëm pak më parë u prit me ceremoni zyrtare nga kryeministri Edi Rama.
Në ceremoninë e mbajtur në Rinas, u kënduan himni turk dhe ai shqiptar dhe më pas Rama dhe Erdogan u nisën drejt Laçit për të inauguruar 524 apartamente të financuara nga qeveria turke pas tërmetit të 26 nëntorit 2019
Policia ka ndërmarrë masa të rrepta sigurie me rastin e vizitës së Erdogan duke bllokuar të gjitha rrugët përreth aeroportit të Rinasit. Kjo ka shkaktuar bllokim të qarkullimit në disa akse në trekëndëshin Tiranë-Vorë-Laç ku qindra makina kanë mbetur tashmë në rrugë në pritje të largimit të Presidentit turk në mënyrë që policia të lirojë rrugët.
Discussion about this post