Policia ka shoqëruar drejt banesës ku janë të ngujuar dy personat vëllain e Julian Çumrakut, njërin prej të ngujuarve me qëllim negocimin. Personi tjetër dyshohet se është një person me mbiemrin Uka dhe ky i fundit i dyshuar për terrorizëm.
Banesa e pabanuar është ‘blinduar’ nga forca të shumta policie. Brenda banesës ndodhen dy persona të armatosur, njëri i identifikuar si Julian Cumraku 34 vjeç. Të dy këta persona raportohet se qëndrojnë në këtë banesë që prej muaji. Godina është në pronësi të Mehill Jakut ndërsa njëri prej personave në fjalë, është nipi i tij.
Shtëpia është rrethuar që prej mëngjesit nga policia e Pukës, ndëras pas dështimit të negociatave për tu vetëdorëzuar, në zonë kanë mbërritur dhe forcat RENEA.
Policia ka bërë thirrje që personat të vetëdorëzohen, por nuk kanë marrë asnjë reagim pozitiv nga objekti.
Njëri prej personave të armatosur, është dëgjuar të thërrasë ‘Allahu Ekber’. I gjithë fshati Orosh është rrethuar nga policia ndërsa në zonë ka mbërritur gjithashtu dhe një autoambulancë.
gijotina.com/
Discussion about this post