Seanca e sotme në Kuvend ka nisur me përplasje për shkak të kërkesës së PD përjashtimin e disa deputetëve nga grupi parlamentar, që ka prezantuar Nikolla. Disa nga të përjashtuarit u revoltuan duke thënë se kryetarja e Kuvendit po ndërhynë më shumë se duhet në këtë çështje dhe se ata nuk mund të përjashtohen kaq lehtë.
Pas disa përplasjeve ka marrë fjalën demokrati Enkeljed Alibeaj, ai pranoi se brenda PD ka mosmarrëveshje, por kurrë nuk do të lejojnë që qeveria të merret me to. Albeaj tha se çdo përplasje do të zgjidhet mes tyre dhe nuk di jepet kënaqësia mazhorancës që të ndërhyjë.
“I shpreh falënderimet Rushajt për detyrën e tij. Nuk ka ndryshuar asgjë nga ky parlament që nga zgjedhjet e prillit. Beteja e të gjithë shqiptarëve, jo vetëm e demokratëve, është për betejë me kreun e regjimit Edi Rama. Kurrë nuk do të mendoja që do të kërkonim ndihmë nga zonja Nikolla. Kurrë s’keni për të qenë ndërmjetëse për hallet tona. Po i kemi ca probleme. I kemi thënë në sy të publikut. Kemi maturinë që t’i zgjidhim në familjen tonë. Njerëzit që kanë aftësinë politike për të hequr nga qafa e tyre për të qenë empatik, këtu në parlamentin që kjo maxhorancë e vodhi më 25 prill. Kjo foltore duhet të përdoret për të folur për shqiptarët. Këtë do të bëjmë ne, pavarësisht problemeve tona që tashmë janë të kaluara”, tha Alibeaj.
Pak ditë më parë Lulzim Basha përjashtoi nga grupi parlamentar i PD disa deputetë dhe sot kjo kërkesë është depozituar në Kuvend.
Discussion about this post