Papa Leoni XIV ka dhënë deklaratën e tij më të fortë deri tani mbi konfliktin izraelo-palestinez, duke thënë se ‘zgjidhja e vetme’ e drejtë për të dyja palët është krijimi i një shteti palestinez.
Duke folur me gazetarët gjatë një fluturimi nga Turqia për në Liban, Papa theksoi se Izraeli aktualisht nuk e pranon këtë zgjidhje, por Vatikani beson se vetëm një marrëveshje dy-shtetëshe mund të garantojë paqe të qëndrueshme.
Ai tha se Selia e Shenjtë është mike e të dyja palëve dhe synon të jetë një zë ndërmjetësues, duke nënvizoi se drejtësia ‘duhet të vlejë për të gjithë’ dhe se zëri i Vatikanit do të vazhdojë të shtyjë për zgjidhje paqësore.
Deklaratat e tij vijnë pasi kryeministri izraelit Benjamin Netanyahu riafirmoi kundërshtimin ndaj shtetit palestinez, ndërsa SHBA-ja ka sinjalizuar mbështetje për pavarësinë palestineze.
Papa shmangu komentet direkte për luftën në Gaza gjatë vizitës në Turqi, por ka kritikuar më herët ashpërsinë e operacioneve ushtarake izraelite.
Ai paralajmëroi se e ardhmja e njerëzimit është në rrezik për shkak të konflikteve të shumta të përgjakshme dhe dënoi dhunën në emër të fesë. Në Turqi, Papa vlerësoi shembullin e bashkëjetesës fetare, duke thënë se ‘njerëzit e feve të ndryshme mund të jetojnë në paqe’.
Papa ndodhet të hënën në ditën e dytë të vizitës në Liban, ku ka përcjellë edhe një herë thirrjen e tij globale për paqe. Mesazhi i tij mbetet i njëjtë: pa drejtësi nuk ka zgjidhje, dhe pa shtet palestinez nuk ka paqe.
Discussion about this post