Alarm në Kune-Vain/ Çahet argjinatura, ujërat kërcënojnë zonën përreth

Argjinatura e Lagunës Kune-Vain është çarë përsëri, duke e rikthyer në vëmendje një nga problematikat e zonës së mbrojtur.

Fenomeni vjen këtë herë në kushte të pazakonta, pasi në zonë nuk ka pasur reshje shiu.

Kjo ngre dyshime për dobësimin strukturor të argjinaturës dhe mungesën e ndërhyrjeve afatgjata që mund të zgjidhin njëherë e mirë problemin e erozionit dhe presionit hidrik mbi lagunë.

Kujtojme se kjo ka ndodhur edhe ne 19 nëntor 2025 në fshatin Rrilë të Lezhës. Megjithë alarmin dhe ndërhyrjen në mesnatë të ushtrisë dhe forcave të emergjencave civile, mbi 800 hektarë tokë u gdhinë nën ujë mëngjesin e 20 nëntorit, së bashku me 5 banesa. Rreth 100 shtëpi të tjera u rrethuan gjithashtu nga uji, ndërkohë që uji vërshoi drejt zonave të banuara të Njësisë Administrative Shënkoll, Kolsh dhe Zejmen.

gijotina.com/