Ambasadori i OSBE-së, Michel Tarran, ishte i ftuar në News 24, ku foli ndër të tjera dhe për raportin e OSBE/ODIHR për zgjedhjet e përgjithshme të 11 majit.
“Dua tju them që me të vërtetë ky problem ekziston kudo ku një kandidat është në post dhe ka një avantazh me kandidatët e tjerë që vijnë.
Ka punë për të bërë, mua më duket që hapi i parë është bërë, krijimi i komisionit bipartizan për reformën zgjedhore dhe kanë kërkuar ndihmën tonë dhe sigurisht që do të ndihmojmë edhe për legjislacionin”, tha ambasadori i OSBE-së, Michel Tarran.
“Të mos shikojmë mbrapa por të shikojmë përpara. Të shpresojmë që ky komision që është krijuar do të funksionojë normalisht dhe ne jemi këtu për të ndihmuar dhe treguar shembullin e një vendi tjetër të suksesshëm.
Të gjitha problemet me të cilat ju përballeni këtu, kanë ekzistuar dhe ekzistojnë edhe në vende të tjera por ka edhe zgjidhje të këtyre problemeve.
Pjesë nga intervista
Nisida: A ka një lodhje të institucioneve shqiptare nga raportet dhe rekomandimet e OSBE-ODIHR, apo është ende një terren ku fjala juaj dëgjohet. Zgjedhjet vijojnë të mbeten “thembra e Akilit” e demokracisë Shqiptare. Pse?
Tarran: OSBE është një organizatë e gjerë. ODIHR ka një mandat për vëzhgimin e zgjedhjeve, OSBE nuk e ka një mandat të tillë.
Ne kemi mandat për të ndihmuar institucionet shqiptare, për të përmirësuar sistemin zgjedhor, por nuk merremi në prezencë me vëzhgimin e zgjedhjeve. Mendoj që nuk është problem i vetëm në Shqipëri. Ka akoma problem që vërtetë duhet të merret Shqipëria, ODIHR dhe ne si OSBE jemi këtu për t’ju ndihmuar.
Nisida: Raporti i shumëpritur për zgjedhjet e 11 majit u lexua në mënyra të ndryshme nga kahet politike. Psh, kreu i PD, Sali Berisha, tha se u vërtetua farsa zgjedhore, të kundërtën tha kryeministri Rama. Në këndvështimin tuaj, cili i afrohet më shumë të vërtetës?
Tarran: Mendoj që përgjigjia e pyetjes ndodhet në raportin që është bërë publik dhe mund ta lexoni.
Ky raporti nuk është bërë për të hyrë në debatin politik të brendshëm. Si e përdorin aktorët politikë këtu është rregulli i lojës, është problem i tyre.
Ne si organizatë, një raport të tillë e bëjmë për të ndihmuar, për të treguar cfarë problemesh kemi identifikuar, cfarë zgjedhjesh mund të përdoren për të rregulluar këto probleme. Ne punojmë duke mos hyrë në debatin politik të brendshëm.
Nisida: Sa i qartë është raporti i zgjedhjeve për të mos u keqinterpretuar nga Politika?
Tarrani: Ju lutem lexojeni. Raporti fillon duke thënë: Zgjedhjet janë organizuar në mënyrë shumë profesionale, duke respektuar pluralitetin e skenës politike por ka akoma problem siç është avantazhi i atyre kandidatëve që tashmë janë në pozicione të ndryshme.
Dua tju them që me të vërtetë ky problem ekziston kudo ku, një kandidat është në post dhe ka një avantazh me kandidatët e tjerë që vijnë.
Shpresoj që me rekomandimet e ODIHR, disa marra do të merren, psh legjislacioni si duhet të kufizohet përdorimi i administratës publike nga ata kandidatë që janë në pozicione të ndyrshme.
Ka punë për të bërë, mua më duket që hapi I parë është bërë, krijimi i komisionit bipartizan për reformën zgjedhore dhe kanë kërkuar ndihmën tonë dhe sigurisht që do të ndihmojmë edhe për legjislacionin.
Nisida: A ishin zgjedhjet e 11 Majit të Lira dhe të ndershme?
Tarran: Edhe njëherë më duhet të përsërish cfarë është shkruar në raport. Nuk është puna ime si kryetar i OSBE që të bëj një analizë apo vëzhgim të zgjedhjeve. Kjo është puna e ODIHR.
Nisida: E kujt është përgjegjësia z. Ambasador që rekomandimet e OSBVE-ODIHR-it për Reformën Zgjedhore nuk zbatohen ose zbatohen pjesërisht?
Tarran: Do të përgjigjem në mënyrë të përgjithshme që është faji i spektrit politik shqiptar.
Edhe njëherë duke mos hyrë në debatin e brendshëm politik këto. Tani le të mos shikojmë mbrapa, por të shikojmë përpara. Të shpresojmë që ky komision që është krijuar do të funksionojë normalisht dhe ne jemi këtu për të ndihmuar dhe treguar shembullin e një vendi tjetër të suksesshëm. Të gjitha problemet me të cilat ju përballeni këtu, kanë ekzistuar dhe ekzistojnë edhe në vende të tjera, por ka edhe zgjidhje të këtyre problemeve.
Ambasadori i OSBE-së, Michel Tarran, foli dhe për sulmin ndaj News24, ku gazetarët e “Focus Media News” në muajin gusht, u përballën me një situatë të pazakontë.
“Liria e medias është një element thelbësor e çdo demokracie. Dhe patjetër që reagimi atëherë ka qenë dhe do të jetë që liria dhe funksionimi i lirë i medias duhet të respektohet”, tha ambasadori i OSBE-së.
Ne jemi këtu sepse akoma ka fusha ku ne duhet të ndihmojmë. Psh. Sa i përket mediave është një problem i vërtetë si funksionon media edhe këtu. Ne përpiqemi dhe mundohemi të ndihmojmë. Akoma është e nevojshme ndihma për të rishkruar disa ligje për mediat dhe ne do të vazhdojmë punën me instancat kompetente shqiptare.
Ne kemi reaguar duke insistuar që problemet logjistike si problemet e pronës, nuk duhet të pengojnë funksionimet normale të mediave.
Liria e medias është një element thelbësor i çdo demokracie. Dhe patjetër që reagimi atëherë ka qenë dhe do të jetë që liria dhe funksionimi i lirë i medias duhet të respektohet.
I pyetur për rastin e ish-zv/kryeministres Belinda Balluku e cila është marrë e pandehur nga SPAK, ambasadori i OSBE-së, Michel Tarran, tha se vendimmarrja i takon organeve kompetente.
“Shqipëria nuk do të bëhet anëtare e BE nëse nuk do të zgjidhë, ndoshta jo të gjithën por një prjesë të madhe të problemit të korrupsionit që ekziston në nivele të ndryshme në vendin tuaj. Korrupsioni nuk ekziston vetëm këtu, por në Shqipëri është në një shkallë të veçantë. Situata me korrupsionin është shqetësuese në çdo nivel”, tha ambasadori i OSBE-së.
Duhet të presim çfarë do të thotë. Do të lexojmë, sigurisht do të interesohemi. Është situatë e re dhe do të shikojmë çfarë ndodh. Nuk hyn në mandatin tim të adresoj këtë çështje. Nuk do të bëj koment, vetëm të presim çfarë do të thonë autoritetet kompetente.
A është ky rasti i parë në botë.
Mesa di unë po. Nuk kam dëgjuar një rast të tillë në vendet ku jetoja dhe punoja.
“Do të lexojmë, sigurisht do të interesohemi. Është situatë e re dhe do të shikojmë çfarë ndodh. Nuk hyn në mandatin tim të adresoj këtë çështje. Nuk do të bëj koment, vetëm të presim çfarë do të thonë autoritetet kompetente”, tha ambasadori i OSBE-së.
Discussion about this post