Në një intervistë për mediat, Presidenti Ilir Meta ka folur mbi vizitën e Rexhep Tajip Erdogan-it në Shqipëri, duke u shprehur se nuk është i keqardhur apo i fyer për faktin që presidenti turk nuk pati një takim me të.
Ai është shprehur se Erdogan ka qenë i ftuar i Qeverisë dhe është sjelle si i ftuar i Qeveris. Sipas tij, nëse Erdogan do kishte kërkuar një takim, Meta ishte i gatshëm ta takonte.
“Sot ka qenë një ditë shumë e jashtëzakonshme për mua, i angazhuar në shumë aktivitete për të nderuar kujtimin e paharruar të Heroit tonë Kombëtar, Gjergj Kastriot Skënderbeut. Nuk kam arsye te kem ndonjë keqardhje qe nuk kam takuar z.Erdogan. Z.Erdogan ka qene i ftuar i Qeverise dhe është sjelle si i ftuar i Qeverise. Uroj të ketë kaluar sa më mirë në Shqipëri.
Nëse do kërkonte një takim sot do bëja një sforcim për ta takuar sepse kam pasur një agjendë vërtetë shume te ngarkuar, por nuk ka kërkuar takim. Z.Erdogan nuk ka qene i ftuar nga unë. Doja te falënderoja me shume mirënjohje popullin turk për ndihmat bujare qe i kane dhënë popullit shqiptar” – tha Meta.
Discussion about this post