Dhunë në familje në Rrëshen: Në pranga 26-vjeçari pas denoncimit të motrës

Drejtoria Vendore e Policisë Lezhë njoftoi sot se specialistët për Hetimin e Krimeve në Komisariatin e Policisë Mirditë kanë arrestuar në flagrancë një 26-vjeçar, pas dyshimeve se ka ushtruar dhunë fizike ndaj motrës së tij.

Shtetasi E. N., 26 vjeç, banues në Rrëshen, dyshohet se i ka shkaktuar viktimës dëmtime të lehta, për të cilat është ndërhyrë menjëherë nga autoritetet.

Policia bën me dije se e dëmtuara është pajisur me urdhër mbrojtjeje. Materialet procedurale janë referuar Prokurorisë pranë Gjykatës së Shkallës së Parë Lezhë, e cila do të vijojë veprimet e mëtejshme ligjore mbi rastin.

gijotina.com/

Etiketa: dhune ne familje