Administratori i një shkolle private në Tiranë, Lulzim Masha ka dëshmuar mbi atentatin që iu bë paraditen e sotme tek Liqeni i Thatë. 63- vjeçari pretendon se nuk ka konflikte me askënd.
Ndër të tjera Masha ka treguar se autori ishte duke ecur në këmbë kur ka hapur zjarr me armë ndaj makinës së tij, duke shtuar se ishte veshur sportiv.
“Nuk kam konflikt të hapur me askënd, nuk e di se kush fshihet pas këtij sulmi. Atentatori ishte në këmbë dhe i veshur me veshje sportive”, mësohet të ketë thënë Masha.
Ka qenë Masha ai që ka njoftuar policinë, e cila gjeti në vendin ne ngjarjes 3 gëzhoja plumbash. Deri më tani nuk është identifikuar apo arrestuar asnjë person, ndërsa dyshohet se kemi të bëjmë me një paralajmërim.
Policia po heton për të shkuarën e biznesmenit.
Discussion about this post