Deputeti Klevis Balliu ka vijuar takimet e drejtpërdrejta me qytetarët në zonën e Astirit, ku ka denoncuar situatën e rëndë që banorët po përjetojnë prej vitesh si pasojë e keqqeverisjes dhe mungesës së plotë të përgjegjësisë nga ana e qeverisë Rama në mbarë vendin.
Sipas Balliut, korrupsioni i shfrenuar dhe bashkëpunimi i qeverisë me krimin e organizuar po cenojnë rëndë sigurinë kombëtare dhe po rrezikojnë drejtpërdrejt jetën e qytetarëve.
Ai theksoi se qytetarët po paguajnë koston e një pushteti që ka zgjedhur të mbrojë interesat e klientelës dhe jo të njerëzve të zakonshëm.
Gjatë takimit, Balliu u ka bërë thirrje qytetarëve të bashkohen në revoltë qytetare më 22 dhjetor, ora 18:00, përpara Kryeministrisë, kundër padrejtësive dhe abuzimit me pushtetin, duke nënvizuar se vetëm përmes reagimit dhe bashkimit qytetar mund të vijë ndryshimi dhe të rikthehet shpresa për një qeverisje në shërbim të qytetarëve.
Discussion about this post