Kryetari i Partisë Demokratike, Lulzim Basha, zhvilloi ditën e sotme një takim me gra të Lidhjes Demokratike të Gruas. Aktivistja dhe anëtarja e LDGSH, Drita Lamaj, në fjalën e saj gjatë bisedës iu drejtua me një thirrje ish-kryeministrit, Sali Berisha që të mbledhë, siç e quan ajo burracakët, paburrat që i ka vënë sulm kundër saj vetëm se nuk bëhet hipokrite dhe mbështes “non gratat” e tij.
Ajo tha se është krenare që ka zgjedhur bashkë me zonjat e tjera të ardhmen e PD-së me Lulzim Bashën.
“Në fakt dua të ndalem pak te Sali Berisha. I bëj thirrje nga ky takim, mblidh burracakët, paburrat që i ke vë në sulm kundër meje pse unë nuk bëhem hipokrite dhe mbështes “non gratat” e tua. Jemi anëtarë të PD-së që në 1991.
Sali Berisha e di shumë mirë që ka pas një mbështetje të pakufizuar nga unë e bashkëshorti im. Ia them këtu. E paç haram. Unë vij nga një familje e persekutuar. Jam krenare që kam qëndruar e fortë. Jemi krenare që kemi zgjedhur të ardhmen e PD-së me Lulzim Bashën” – u shpreh Drita Lamaj.
Discussion about this post