Ish-deputeti i PD, Klevis Balliu ka shkuar në zonën e “5 Majit”, në mbështetje të banorëve të cilët pritet t’iu prishën shtëpitë me urdhër të Bashkisë Tiranë.
Balliu tha se është e papranueshme që prishjet po bëhen në një kohë që banorët janë në proces gjyqësor me Bashkinë e Tiranës. Në rast se banorët fitojnë gjyqin, ngriti pyetjen Balliu, atëherë me çfarë parash do të bëhet dëmshpërblimi i tyre.
“Askush nuk është kundër projekteve, kush do ti paguajë këta banorë nëse gjykata vendos në favorin e tyre? Sa është shuma monetare që e ngop mostrën Erion Veliaj, sa qytetarë shqiptarë duhet të mbeten pa shtëpi që të kënaqet Erion Veliaj, sa njerëz duhet të hidhen në rrugë? Cila është shuma që të kënaqet Erion Veliaj. Ja kanë çuar SPAK, prokurorisë dhe nuk kanë marrë asnjë përgjigje, kryetari i SPAK, kryetarja e prokurorisë së Tiranës, duhet të dalin në deklaratë, dhe këto prishje të mos ndodhnin deri në përfundimin e hetimeve. Pse kjo është zgjidhja, prishim shtëpi, dhe fusim gazetarët në burg. Ku është SPAK-u i famshëm, pse nuk iu kthen përgjigje këtyre qytetarëve? Nuk i kushton asgjë, nxitimi janë lekët dhe korrupsioni“, tha Balliu.
Ish-deputeti hodhi akuza dhe në drejtim të opozitës që sipas tij nuk ka shkuar në mbështetje të banorëve.
Discussion about this post