Salianji: Sallat po mbushen plot me demokratë, lidershipi i ka braktisur

Ish-deputeti i PD, Ervin Salianji, i ftuar në emisionin “Kjo Javë”, ka folur për takimet me demokratët, tur i nisur prej tij prej disa muajsh, duke i cilësuar ato, si shprehje e vullnetit të bazës për ta gjallëruar dhe ringritur PD.

Salianji tha se lidershipi i PD i ka braktisur demokratët prej 8 muajsh, teksa çdo javë u thotë se kemi rrëzuar Edi Ramën, ndërkohë që ky është në qeveri.

“Kështu nuk kemi gjë në vijë”, tha Salianji.

Ervin Salianji: njerëzit po tregojnë që po mbushin sallat plot. Janë njerëz të cilët, të zhgënjyer nga braktisja dhe neglizhenca e lidershipit të PD, që nuk i takon ka 8 muaj nga data e zgjedhjeve po organizohen për ta mbajtur të gjallë PD.

Demokratët janë aty, nuk kanë frikë, duan nxitje dhe besim, dhe janë të gatshëm për tu përballur me qeverinë. Nëse lidershipi i PD i thotë cdo javë që kemi rrëzuar Edi Ramën, ndërkohë që ky është në qeveri, atëherë nuk kemi gjë në vijë.

Ervin Salianji sqaroi qëndrimet brenda PD, mes tij dhe një grupi anëtarësh të partisë që kërkojnë ndryshimin dhe lidershipit që thotë “jemi mirë”.

Salianji tha se nga pjesëmarrja në salla të demokratëve në turet e organizuara në disa qytete, ndryshimi i PD që kërkojnë demokratët prevalon mbi atë qëndrimin e lidershipit.

Sipas tij, nuk duhet që ndryshimin e PD ta marrin peng 5 persona brenda saj.

Ervin Salianji: Unë kam shmangur cdo emër duke u marrë me problemet dhe idetë. Duket që këtu ka 2 mendime të ndryshme, një mendim i lidershipit që thotë jemi mirë, vazhdojmë kështu, bëjmë sikur nuk kuptojmë, e mbyllim sytë dhe një tjetër që duket po prevalon, duket nga pjesëmarrja në salla, ku shihet se më shumë demokratë janë në këto takime të cilët mendojnë qartësisht se PD duhet të merret me veten.

Etiketa: Ervin Salianji Kryesore1