Një tjetër aksident i rëndë ka ndodhur paraditen e sotme në Berat, ku si pasojë e përplasjes së dy mjeteve, 4 persona kanë mbetur të plagosur rëndë.
Burime bëjnë me dije, se aksidenti ka ndodhur në vendin e quajtur Orizaj, ndërkohë që gjendja e të plagosurve që udhëtonin në dy mjete të ndryshme është e rëndë. Ata janë dërguar drejt spitalit për të marrë ndihmë mjekësore. Njëri prej mjeteve ka përfunduar në kanal pas përplasjes.
Paraprakisht, dyshohet se shkak është bërë shpejtësia përtej normave të lejuara, ndërsa policia nuk ka qenë në patrullim.
Policia ndodhet në vendin e ngjarjes dhe po punon për zbardhjen e rrethanave të këtij aksidenti.
Discussion about this post