Fetah Marra është autori i krimit horror në Kuçovë, ku vrau dhe më pasi hodhi në kanal trupin e pajetë të 63- vjeçares Fatime Suli. Burime bëjnë me dije se 58-vjeçari ishte komshi me viktimën por kishin edhe njohje familjare.
Paraprakisht dyshohet se vrasja ka ndodhur pas një konflikti për disa para borxh, që krushku i kishte familjes së gruas, po ashtu dyshohet se 58- vjeçari vuante nga probleme të shëndetit mendor dhe ishte i divorcuar prej 3 vitesh.
Gruaja 63-vjeçe u gjet në një kanal, rreth 1 km larg banesës saj, mbrëmjen e djeshme në lagjen “Havaleas” të fshatit Kozare, në qytetin e Kuçovës. Familjarët e saj e kishin kërkuar prej disa orësh dhe pasi nuk po e gjenin kishin njoftuar për ndihmë policinë. Në momentin e gjetjes së trupit të pajetë, gruaja ishte e zhveshur nga mesi e poshtë dhe e mbuluar me gjethe e rrozga domatesh brenda në kanal.
Viktima Fatime Suli u transportua gjatë natës drejt Morgut të Spitalit Rajonal Berat, ku pas kryerjes së autopsisë mjeko-ligjore, rezultoi se shkaku i vdekjes së 63-vjeçares ishte asfiksimi nga mbytja me duar. A.L/ gijotina.com
Discussion about this post